Маҳсулотлар депутатлар иштирокида эгаларига топширилмоқда

Давлатимиз раҳбари томонидан Сўх туманига “Саховат ва кўмак” доирасида берилган беминнат 6 хил озиқ-овқат маҳсулотлари ҳудуддаги боқувчисини йўқотган, кам таъминланган  хонадонларга етказиб бериляпти.

Бу хайрли ишларда халқ депутатлари Сўх туман Кенгаши депутати С.Нишонов ҳам фаол иштирок этмоқда.  У раислик қилиб келаётган “Ҳазрати Али” МФЙдаги 517 та хонадонлар уч  тоифага бўлиб олиниб, оғир хонадонларнинг 80 тасига  ун, эҳтиёжманд хонадонларнинг 80 тасига  ёғ, ўртаҳол хонадонларнинг 371 тасига  озиқ-овқат тўплами ажратилди.

-Муҳтарам Президентимиз томонидан олиб борилаётган одилона сиёсат ва сўхликларга кўрсатилаётган эътибор ва ғамхўрликлардан бениҳоят хурсандмиз,  – дейди туман “Хушёр” МФЙ раиси,  халқ депутатлари туман кенгаш депутати М.Ифтихонов. –  Озиқ-овқат маҳсулотлари  ишчи гуруҳ томонидан босқичма-босқич кўмакка муҳтож оилалар  хонадонларига олиб бориб берилмоқда.

Шу билан бирга, эзгу тадбирларга туманнинг саховатпеша ҳомийлари ҳамда тадбиркорлари ҳам ўз ҳиссасини қўшмоқдалар.   

Ўзбекистон “Адолат” СДП Фарғона вилоят Кенгаши матбуот хизмати