Мамлакатдаги карантин шароитида “Адолат” СДП қандай ишламоқда?

Маълумки, коронавирус карантини тақозосидан оммавий тадбирлар бекор қилинди. Таълим муассасаларига таътил берилди ҳамда аҳолига имкон қадар уйдан ташқарига чиқмаслик, инсонлар билан мулоқот қилмаслик тавсия этилмоқда. Шу шароитда партиямиз қандай ишламоқда?

• Тадбир, семинар, давра суҳбатлари вебинар усулида ўтказилмоқда.

• Фуқаролар мурожаатлари ёзма ва электрон шаклда қабул қилинмоқда.

• Партияга аъзо бўлиш истагидагилар аризанинг электрон вариантини жўнатмоқда.

• Аҳолини ўз хонадонида ёки иш жойида аъзо қилишга ихтисослашган “Партия патронажи” лойиҳасида чақирувлар телефон ва ижтимоий тармоқлар орқали қабул қилиниб қайд этиб борилмоқда, партия билетини топшириш эса номуайян муддатга қолдирилди.

• Уйма уй юриш ва аҳоли билан юзма-юз кўришишга қаратилган лойиҳалар вақтинча тўхтатилди, шикоятлар ишонч телефонлари ва электрон почталар орқали билдирилмоқда.

• Партиядан сайланган Олий Мажлис Қонунчилик палатаси депутатлари ҳамда маҳаллий Кенгаш депутатлари ҳудудлардаги тиббиёт муассасаларида бўлиб, жойлардаги аҳволни, шароитни ўрганмоқда.

• Партиянинг Республика ва маҳаллий Кенгашлари офисларида барча профилактик чоралар кўрилган, антисептик воситалар билан таъминланган, коронавирус ҳақида ахборот берувчи плакатлар осилган.

• Партиянинг барча ходимларига тактик алоқанинг ҳар қандай шакли (қўл бериб кўришиш ва хоказо)дан йироқ бўлиш тавсия этилди.

“Адолат” СДП Матбуот хизмати