Мақсадимиз - сайловларда ғолиб бўлиш

Аввал хабар берганимиздек, айни кунларда Ўзбекистон “Адолат” СДП томонидан ташкил этилган “Сайловлар: ғалаба стратегияси ва тактикаси”  мавзусидаги уч кунлик  семинар-тренинг Хоразм вилоятида ўз ишини бошлади.

Семинарга  вилоят, шаҳар ва туман Кенгашлари раислари ҳамда ходимлари иштирок этишди. Семинар-тренингни  вилоят Кенгаши раиси Тохир Палванов кириш сўзи билан очиб берди.

Таъкидланишича,  мазкур семинар  жорий йилда бўлиб ўтадиган Олий Мажлис Қонунчилик палатаси ва Халқ депутатлари ҳудудий Кенгашлар депутатлигига бўлиб ўтадиган сайловларда ғалаба қазониш учун муҳим аҳамиятга эга.

Сарвар  Қазақов, Хонқа туман Кенгаши раиси:

–  Ташкил этилган сиёсий ўқувлар сайлов билан боғлиқ жараёнларда фаоллигимизни оширишга замин яратади. Машғулотлар давомида кўпдан қизиқиб келаётган саволларимга жавоб олганимдан хурсандман. Ўқувдан олган билим ва кўникмаларимни номзодлар, кузатувчи ва ваколатли вакилларга ҳам сиёсий ўқувлар орқали сиёсий ва ҳуқуқий фаоллигини оширишни режалаштирдим. Семинарнинг барча машғулотларига фаоллик билан қатнашаман.

Савол-жавобларга бой бўлган семинар-тренинг иштирокчиларнинг фаоллигида қизғин кечди. Семинар сўнгида бўлажак тренерлар ўзлари қизиққан саволларга атрофлича жавоблар олишди.

Воҳамизда  сиёсий ўқувлар давом этмоқда.

                                                                                                            Замира АБДУЛЛАЕВА,

                                                                                               Ўзбекистон “Адолат” СДП

                                                                          Хоразм вилоят  Кенгаши матбуот котиби