Машаққатли ва шарафли  меҳнатлар эътирофи

27-июнь Матбуот ва оммавий ахборот воситалари куни муносабати билан Ўзбекистон “Адолат” СДП Хоразм вилоят Кенгашида тадбир бўлиб ўтди. Унда партиянинг ғоя ва мақсадлари, амалга оширган ишларини кенг жамоатчиликка намоён этишда, Хоразм вилоят Кенгаши ҳамда депутатлик корпуси фаолиятини холис ва ҳаққоний ёритиш, энг сўнгги  янгиликлардан  электоратимизни хабардор этишдаги  жонкуярлиги учун вилоят Кенгаши матбуот котиби Замира Абдуллаеванинг кўп йиллик самарали меҳнати эътироф этилди.

Замира Абдуллаева, матбуот котиби:

-Агар инсон ўзи севган касбда ишласа, қанчалик кўп ишласа ҳам чарчамас экан. Мен ҳам ишхонамга қувониб, шошилиб келаман. Кунлик фаолиятим давомида жамоамнинг аҳиллигидан, тартиб-интизомни йўлга қўйилганидан  руҳан мадад оламан. Айниқса, партиямизнинг Сиёсий Кенгашида фаолият олиб бораётган  ходимларнинг   хушмуомала ва меҳрибонлигидан  илҳомланаман ва  янги марралар сари дадил бораман.

Жамоа номидан З.Абдуллаевага машаққатли меҳнатлари учун   ташаккур билдирган ҳолда, ижодий қобилият ва касбий маҳорати  келгуси фаолиятида ҳам ас қотиши, юртимиз, хусусан партиямиз ривожига  улкан ҳисса қўшишида давом этишини тилаб вилоят Кенгашининг ташаккурномаси ва эсдалик совғалари  тантанали топширилди.

                                                                                                                 Гулора ИСМОИЛОВА,

                                                                                                          Ўзбекистон “Адолат” СДП

                                                                               Хоразм вилоят Кенгаши бош мутахассиси