Медиа гуруҳ ўз ишини бошлади

Ўзбекистон “Адолат” СДПнинг Фарғона вилоят Кенгаши матбуот хизмати ташаббуси билан партиямиз томонидан вилоятимизда  амалга ошираётган ишлар ва янгиликларни жонли эфир орқали ёритиб бориш мақсадида медиа гуруҳи ташкил этилди.  “Press time news” информацион дастурида турли лавҳалар ҳамда радио эшиттиришлар орқали бўлиб ўтган жараёнлар кенг ёритилиши йўлга қўйилди.

Медиа гуруҳ ташкил этилганига ҳали икки ой ҳам бўлгани йўқ. Лекин ушбу гуруҳ партиянинг туман ва шаҳар Кенгашларидаги ўтказилаётган тадбирларни ва тарғибот ишларини турли лавҳалар ҳамда радио эшиттиришлар орқали ёритишда жуда катта меҳнат қилмоқда. Партия вилоят Кенгаши ходимларининг 3 нафар кўнгилли, Комила Исроилова, Бунёд Аҳмадалиев ҳамда Наргиза Акрамова каби  қобилиятли ва ташаббускор ёшларидан ташкил топган ушбу гуруҳ ҳозирда янги 5 та партия ғояларини тарғиб қилувчи ижтимоий роликлар устида қизғин иш олиб бормоқдалар.  Тез кунларда ушбу ижтимоий роликлар тамошабинларнинг эътиборига ҳавола этилади. Бизни кузатишда давом этинг.

“Адолат” СДП Фарғона вилояти Кенгаши