“Меҳр карвони” шиори остида байрам тадбирлари бошланди

Халқаро болаларни ҳимоя қилиш куни бутун дунё болалари учун энг беғубор ва қувончли байрам ҳисобланади.

Албатта, бола бу дунё, ҳаёт, миллат давомчиси. Болалар ўз табассумлари орқали инсонлар қалбида ҳаётга, яшашга бўлган қизиқишни уйғотадилар. Кўзларида эзгулик ва меҳр қалқиб турган болажон мусаффо осмонда эркин парвоз этаётган қалдирғоч мисолидир.

"1 июнь Халқаро болаларни ҳимоя қилиш куни" муносабати билан Ўзбекистон "Адолат" СДП Сиёсий Кенгаши Марказий аппарати ташаббусси билан барча ҳудудий Кенгашларда,шу жумладан Сирдарё вилоятида "Меҳр карвони" шиори остида "Адолат" СДП Сирдарё вилоят Кенгаши томонидан бир қатор байрам тадбирлар режалаштирилган.

Бугун байрам муносабати билан "Алоқа АК" кинотеатрида Гулистон шаҳар 16-умумтаълим мактабининг бошланғич синф ўқувчилари иштирокида "Баджахл қуёнча" қўғирчоқ театри томошаси қўйиб берилди.Тадбирда "Адолат" СДП Сирдарё вилоят Кенгаши раиси Ж. Комилов иштирок этиб, болажонларга викторина ўтказилди ва тўғри жавоб топган болаларга эсдалик совғалари топширилди.

"Адолат" СДП
Сирдарё вилоят кенгаши
Матбуот хизмати