Меҳр улашган акция бўлди

Ўзбекистон «Адолат» социал-демократик партияси Қорақалпоғистон Республикаси Кенгаши ташаббуси билан Қорақалпоғистон Республикаси қон қуйиш станциясида  “1 июнь – Халқаро болаларни ҳимоя қилиш куни” муносабати билан  “Бор меҳримиз сенга, болажон” шиори остида республика бўйлаб беғараз донорлик акциясини ташкил этди.

Байрам муносабати билан партиянинг “Бор меҳримиз сенга, болажон” шиори остида ўтказилган ушбу беғараз донорлик акциясидан кўзланган асосий мақсад тиббий-ижтимоий кўмакка муҳтож фуқароларни қўллаб-қувватлаш, инсонларни кўнгилли равишда қон топширишга чақириш орқали беморларнинг ҳаётини сақлаб қолиш, жамиятда инсонпарварлик ва меҳр-оқибат ғояларини кенг тарғиб қилишга қаратилган.

Шундай хайрли ва савобли ишга бел боғлаган «Адолат» социал-демократик партияси 2018 йилдан буён “Бор меҳримиз сенга, болажон” шиори остида ҳар йили икки марта хайрия акцияларини ўтказишни анъанага айлантирмоқда.

Ушбу шиор остидаги беғараз донорлик акцияси юзлаб кишиларни бир мақсад йўлида бирлаштириб, қонга муҳтож бўлган бемор болажонларга ҳаёт бағишлаш ҳамда уларнинг соғайиб кетишларига ҳисса қўшишдек хайрли ва савобли ишга бел боғлаган юртдошларимиз ихтиёрий равишда қон топширдилар.

Эрта тонгдан бошланган мазкур акцияда партиянинг барча ходимлари, Қорақалпоғистон Республикаси Жўқорғи Кенгесидаги партия фракцияси аъзолари, Халқ депутатлари туман ва шаҳар Кенгаши депутатлари, партия фаоллари ҳамда кўнгиллилар иштирок этишди.

Бу ўтказилган беғараз донорлик акциясига ташриф буюрган ҳар бир иштирокчининг кўнглида мурғак болажонларимиз ҳеч қачон касал бўлишмасин, кўзлари ёшланмасин, умрлари узоқ бўлсин, Ватанимиз корига ярайдиган комил инсонлар бўлиб вояга етишсин, деган эзгу туйғу жўш урди.
Ушбу акция кўнгиллиларни бирлаштириб, инсонпарварлик ва меҳр-оқибат намуналарини ўзида акс эттирган акция болажонлар учун чин маънодаги ғамхўрлик белгиси бўлди.

Ушбу беғараз донорлик акцияси якунида фаоллик кўрсатган турли давлат ва жамоат ташкилотлари ҳамда бир қатор фаол ёшлар партия Қорақалпоғистон Республикаси Кенгаши томонидан тайёрланган ташаккурномалар билан тақдирланди.

Шундай ташаккурномаларнинг бирига эга бўлган партия Хўжайли тумани Кенгаши раиси Утамбетов Базарбай қўйидагиларни таъкидлади. Мен ушбу партиямиз акциясига мунтазам қатнашиб келаман. Нафақат ўзим, балки партия фаолларини ҳам жалб қилишга ҳаракат қиламан. Сабаби савоб ишни ҳар ким ҳар куни қилишга ҳаракат қилиш керак, деб ўйлайман ва шунга интиламан.

Кечгача давом  этган “Бор  меҳримиз  сенга,  болажон!” беғараз донорлик  акциясида кўплаб саховатпеша инсонлар фаол қатнашди.

Ўзбекистон «Адолат» СДП

Қорақалпоғистон Республикаси Кенгаши

Матбуот хизмати