Мукофот муборак бўлсин!

Давлатимиз раҳбари томонидан “Ўқитувчи ва мураббийлар куни” муносабати билан таълим-тарбия тизимида алоҳида ўрнак кўрсатган ходимлардан бир гуруҳи давлат мукофоти билан тақдирланди. Энг қувонарлиси тақдирланганлар ичида партиямизнинг фаол аъзолари ҳам бор:

Бухоров вилояти Когон туманидаги 3-умумий ўрта таълим мактаби директори Турсунова Хурмат Тошевна «Меҳнат шуҳрати» ордени билан;

Фарғона вилояти чет тилларни ўқитишга ихтисослаштирилган умумий ўрта таълим мактаб-интернати директори Дададжанова Элеонора Абдувахабовна «Меҳнат шуҳрати» ордени билан;

Қорақалпоғистон Республикаси Қўнғирот туманидаги 43-умумий ўрта таълим мактабининг ўзбек тили ва адабиёти фани ўқитувчиси Кдирбаева Лала Абдикадировна «Шуҳрат» медали билан;

Фарғона вилояти Учкўприк туманидаги 27-мактабгача таълим ташкилоти тарбиячиси Мамадалиева Мухайё Убайдуллаевна «Шуҳрат» медали билан тақдирланишди.

Ўқувчиларга илм-фан асослари ва замонавий касб-ҳунарларни ўргатиш, уларнинг интеллектуал салоҳиятини юксалтириш йўлида қилаётган меҳнатларида янада куч-ғайрат тилаб қоламиз. Юксак мукофот муборак бўлсин!

"Адолат" СДП