Муносиблар муносиб тақдирланди......

Бугун юртимизда кенг нишонланаётган 27 июнь «Оммавий ахборот воситалари ходимлари куни» муносабати билан, «Адолат» СДП Марказий аппарати мажлислар залида, партия матбуот бошқармаси ходимлари, ҳудудий Кенгашлар матбуот котиблари ҳамда, «Адолат» СДП билан биргаликда ишлаб келаётган ҳамкор ташкилот ОАВ вакилларини табриклаш ва тақдирлашга бағишланган маданий-маърифий тадбир бўлиб ўтди. Тадбирнинг зоом орқали ташкил этилганлиги партиянинг ҳудудий Кенгаш вакилларини ҳам тадбирда бирдек иштирок этишларини таъминланди.

«Адолат» СДП Сиёсий Кенгаши раиси Баҳром Абдуҳалимов тадбирни кириш сўзи билан очиб, бугунги кунда матбуот ходимларининг жамиятимизда тутган ўрни, техника асрига айланган бизнинг замонамизда ҳаётимизни бир дақиқа бўлса ҳам информацияларсиз, бир сўз билан айтганда матбуотсиз тасаввур этиб бўлмаслиги ҳақида алоҳида тўхталиб ўтиш баробарида, байрам муносабати билан партия сафида, партиянинг мақсад ва вазифаларини кенг жамоатчиликка таништириш йўлида сидқидилдан меҳнат қилиб келаётган матбуот ходимларини табриклаб, ҳалол меҳнати, юксак касбий маҳорати ва танлаган ишига содиқ ҳамда фидокорлиги учун ўз миннатдорчилигини изҳор этиб ўтди.⠀

Тадбир давомида «Адолат» СДП билан ҳамкорликда ишлаб келаётган ОАВ вакиллари жумладан:

Хусниддин Эргашев Абдуллаевич – “Ёшлар” телерадиоканали директори;

Ҳалимов Абдурозиқ Маликович – "Ўзбекистон" телерадиоканали директори;

Қуддус Аъзам – ЎзМТРКнинг  «Ўзбекистон» телеканали, «Янги жамият» студияси бош муҳаррири, «Муносабат» кўрсатуви бошловчиси,

«Адолат» кўкрак нишони билан тақдирланишди. 

Партия Матбуот хизматининг ҳудудий кенгашларида самарали фаолият олиб бораётган ходимлар партия томонидан ташаккурнома ва эсдалик билан тақдирланишди.

«Адолат»СДП

Матбуот хизмати