Мурувват – ҳокисор қалбларга малҳам

Президентимиз томонидан амалга оширилаётган халқчил сиёсат, фуқароларни рози қилиш, уларнинг турмуш фаровонлигини ошириш борасида амалий ишларни кучайтириш бизнинг асосий вазифамиздир.

Халқ депутатлари Зангиота тумани Кенгаши депутати Н.Холхўжаева тумандаги “Эшонгузар” МФЙдаги аҳоли муаммоларини ўрганди.

Бугунги кунга келиб маҳаллада 3245 нафарни аҳоли мавжуд бўлиб,  522 хонадон 548 та оилалар ташкил этиб, аҳолини оғирини енгил этиш мақсадида “Аёллар”, “Ёшлар” ва “Темир” дафтарлари юритилиб келинмоқда.

Жумладан,  “Темир дафтар”да турган оилалар 15 тани ташкил этиб, бугунги кунгача оилаларни 9 нафарига моддий ва амалий ёрдамлар кўрсатилди. Доимий даволанишга муҳтож, боқувчисини йўқотган  43 нафар оила доимий назоратда.

Шунингдек “Аёллар дафтари”га эътибор қаратадиган бўлсак, йил бошида 247 нафар ишсиз аёллар киритилган бўлиб, шу давргача ушбу аёллар касб-ҳунарлар ўргатилиб, 8 нафари иш билан таъминланди ва 36 нафарига имтиёзли кредит олиб беришга кўмаклашилди.

“Ёшлар дафтари”га эътибор қаратадиган бўлсак,  бу дафтарга 191 нафар ишсиз ёшлар киритилган бўлиб, уларнинг 52 нафарига моддий ёрдам кўрсатилди. Қолган ишсиз ёшларга 0.25 сотихдан ер ажратилиб, иккинчи экин экиш учун тумандаги маҳаллага яқин бўлган фермер хўжаликлар билан шартномалар қилинди.

Маҳалланинг “О.Хўжаев” кўчасида яшовчи Бегмат Латипов депутат  Н.Холхўжаевага  туман ҳокими заҳирасида турган 1 гектар ерда картошка ва қизил ловия  етиштириб тадбиркорлигини бошламоқчи эканлиги тўғрисида мурожаат қилди.

Муаммо депутат томонидан атрофлича ўрганилиб, депутатлик сўрови юборилди. Мазкур сўров бўйича Б.Латиповга  50 сотих ер ажратиб берилди. Мақсад битта, ҳар бир хонадонга кириб, аҳоли муаммоларини ўрганиш, уларнинг талаб ва истакларидан келиб чиққан ҳолда иш ташкил этиш, ёшлар билан ишлашни амалга ошириш, ишсизларни иш билан таъминлаш, кам таъминланган оилаларга моддий кўмак бериш ва муаммоларни жойида ҳал этиш.

Фотима САТТОРОВА,

Ўзбекистон “Адолат” СДП

 Тошкент вилояти Кенгаши матбуот котиби