Навоий издошлари рағбатлантирилди

Маълумки, 9 февраль Алишер Навоийнинг таваллуд куни мамлакатимиз бўйлаб кенг нишонланди.

Шу муносабат билан, «Адолат» СДП ташаббуси билан ташкил этилган онлайн ва офлайн конференциялар, тадбир ва учрашувлар юртдошларимиз томонидан илиқ кутиб олинди.

Куни кеча партиянинг Хоразм вилоят, Урганч шаҳар Кенгаши томонидан Урганч давлат университети академик лицейи билан ҳамкорликда «Навоий издошларимиз» мавзусида навоийхонлик кечаси ташкил этилди.

Унда партия фаоллари, депутатлари, ҳамкор ташкилотлар вакиллари ҳамда мазкур лицейнинг ўқитувчи ва ўқувчилари, «Истеъдод» клуби аъзолари иштирок этишди.

Тадбирда партия вилоят Кенгаши матбуот котиби Замира Абдуллаева сўзга чиқиб, партиямиз томонидан мутафаккир шоир, ғазал мулкининг султони Алишер Навоийнинг таваллуд куни муносабати билан ташкил этилаётган тадбирлар, унинг босиб ўтган ибратли йўллари хусусида сўз юритди.

Тадбир давомида лицей ва «Истеъдод» клуби аъзолари томонидан Алишер Навоийнинг ҳаёти ва ижоди тўғрисидаги саҳна кўринишлари, ўқилган ғазаллари кечага янада кўтаринкилик бағишлади.

Шундан сўнг лицейнинг бир гуруҳ ўқувчиларига партиянинг «Адолат дўпписи ва белбоғи», сертификати ҳамда бир гуруҳ партиямизнинг аъзоси бўлган фаол ўқитувчиларга партиянинг ташаккурномалари, эсдалик совғалари тақдим этилди.

Воҳамизда навоийхонлик кечалари давом этмоқда.

Рустам БОЛТАЕВ,

«Адолат» СДП Урганч шаҳар Кенгаши раиси,

шаҳар Кенгаши депутатлик гуруҳи раҳбари