Навоийга эҳтиром кўрсатилди

Бугун буюк шоир ва мутафаккир Алишер Навоий таваллудининг 580 йиллиги муносабати билан Адиблар хиёбонида тадбир бўлиб ўтди. Тадбирда партия Сиёсий Кенгаши раиси Олий Мажлис Қонунчилик палатаси депутатлари ва илм-фан намоёндалари, зиёлилар, давлат ва жамоат ташкилотлари ходимлари, адабиётшунос олимлар ва талабалар иштирок этди.

Буюк шоир ва мутафаккир, атоқли давлат ва жамоат арбоби Алишер Навоийнинг бебаҳо ижодий-илмий мероси нафақат халқимиз, балки жаҳон адабиёти тарихида, миллий маданиятимиз ва адабий-эстетик тафаккуримиз ривожидаги алоҳида ўрни ҳақида сўзга чиққанлар фикр билдиришди. Сўнг Алишер Навоий ҳайкали пойига гул қўйилди ва ҳурмат бажо келтирилди.