Наврўз шукуҳи дилларни хушнуд этмоқда

Юртимизда умумхалқ байрами Наврўз айёми муносабати билан турли маданий-маърифий тадбирлар ташкил этилмоқда. Халқ депутатлари Қўштепа туман Кенгаши депутати Дилрабо Узоқова ҳам ташаббус кўрсатиб, «Хўжақишлоқ», «Халқобод», «Қоражийда» маҳалла фуқаролар йиғинларидаги боқувчисини йўқотган, ногиронлиги бўлган ҳамда кам таъминланган оилаларнинг бекаларини бир ерда жам қилди. Улар учун дастурхон ёзилиб, байрам тадбири ташкил этилди.

Тадбир иштирокчилари бир пиёла чой устида дилдан суҳбат қуриб, туман маданият маркази ходимлари ва болажонлар томонидан ташкил этилган концерт дастурини томоша қилдилар.

Тадбир сўнгида иштирокчиларга ҳомийларнинг эсдалик совғалари топширилди.

«Адолат» СДП Фарғона вилоят Кенгаши Матбуот хизмати.