Олий Мажлис Қонунчилик палатаси депутати Ромитанлик битирувчи ёшлар билан учрашди

Олий Мажлис Қонунчилик палатаси депутати Таваккал Чориев Ромитан тумани ўрта таълим мактабини битирган 1700 нафар битирувчи ёшлар билан учрашди.

Байрамона тарзда ўтказилган учрашув тадбирида 5 ташаббус доирасида битирувчи ёшлар учун заковат, рассомчилик, кураш, арқон тортиш ҳамда концерт дастури ташкил этилди.

Битурувчи ёшлар билан бўлган учрашувда Олий Мажлис Қонунчилик палатаси депутати Т.Чориев сўзга чиқиб, мустақил ҳаёт остонасида турган ёшларимизга ўзининг илиқ тилакларини билдирди. Ўқиш ва ишларида омадлар тилади. Шу билан бирга депутат ёшларга бугунги кунда уларга яратилган имкониятлар ҳақида сўзлаб, бу имкониятлардан унумли фойдаланиш лозимлиги ҳақида фикр юритди.

Шунингдек, 5 ташаббус доирасида ташкил этилган мусобақа битирувчи ёшларимиз ўртасида қизиқарли ва мароқли  тарзда кечди. Кўзларида эртанги кунига умид ва ишонч тўла ёшларимиз байрамона тадбирни кўтаринки кайфиятда ўтказдилар.

 “Адолат” СДП Бухоро вилоят Кенгаши

Матбуот хизмати