Олий органга делегатлар аниқланди

“Адолат” СДП Корақалпоғистон ҳудудий ташкилотининг  IX конференцияси бўлиб ўтди.

Конференцияда асосий студиядан партиянинг Республика, Нукус шаҳар ва туман партия ташкилотлари раислари, Қорақалпоғистон Республикаси Жўқорғи Кенгеси депутатлари иштирок этган бўлса, карантин қоидаларига амал этган ҳолда ZOOM платформаси орқали олис масофадан сайланган делегатлар онлайн тарзда иштирок этдилар.  

Конференцияда партия Қорақалпоғистон Республикаси Кенгаши томонидан “Адолат” СДП X Қурултойига  ҳар 2500 нафар аъзодан бир нафар делегат сайланиши белгилаб берилганлигини ҳисобга олиб, ҳозирги вақтда Қорақалпоғистон Республикасида партия аъзолари сони 33728 нафарни ташкил этаётганлиги боис “Адолат” СДПнинг X Қурултойига 13 та делегат сайланиши лозимлиги қайд этилди.

Бунда партиянинг шаҳар ва туман Кенгаши раислари, маҳаллий кенгаш депутатлари, “Аёллар” ва “Ёш адолатчилар”  қанотлари аъзолари, шунингдек, ҳудудда обрў-этиборга эга партия аъзолари делегат бўлиб сайланишига алоҳида эътибор қаратилди.

Конференцияда номзодлар тўғрисидаги тавсиялар тингланиб ва муҳокама қилинган ҳолда партия Уставининг 14.4 бандига асосланиб, “Адолат” СДПнинг X Қурултойига делегатлар сайланди.

Бахадыр ЖУЗБАЕВ,

 “Адолат” СДП Қорақалпоғистон

Республикаси Кенгаши Матбуот котиби