Omicron штаммига қарши курашда барчамиз маъсулмиз!

Куни кеча юртимизда вируснинг Omicron штамми аниқланди. Бу эса жамоатчиликни ташвишга солиб, кенг муҳокамаларга сабаб бўлмоқда.

Жаҳон соғлиқни сақлаш ташкилоти томонидан коронавирус инфекциясининг янги Omicron штаммининг кенг тарқалаётганлиги ҳақида хабар берган. Республика махсус комиссиясининг навбатдаги йиғилишида мамлакатимизда коронавирус инфекцияси билан касалланиш ҳолатлари ортиб бораётгани, ушбу касалликка қарши зарур чоралар кўриш кучайтирилмоқда. Аҳолини тўлиқ эмлаш ва бустер доза билан эмлаш, барча ташкилот, корхона ва муассасаларда, йирик савдо мажмуалари, супермаркетлар, кўнгилочар муассасаларнинг кириш қисмида ниқобда бўлиш, ижтимоий масофани сақлаш, тана ҳароратини ўлчаш амалиётига қатъий риоя этилиши таъминланмоқда.

Соғлик-саломатлик – Инсон учун бебаҳо бойликдир. Инсон ҳаёти ҳақида қайғуриш ҳар қандай манфаатлардан устундир. Доно халқимиз “Соғлик – туман бойлик” деб бежиз айтмаган. Ақл-идрок соҳиби бўлган инсон ўз ҳаётини қадрлаши лозим бўлади. Бугунги кунда юртимизда кезиб юрган коронавирус балоси ҳали ҳамон бизни тарк этганича йуқ. Чунки, инсонлар карантин қоидаларига эътибор қилмай қўйган эдилар. Одамлар гавжум ерларда, бозорларда, истироҳат боғлари, супермаркетларда, кафе ва ресторанларда ижтимоий масофага умуман амал қилинмай қўйилди. Йўл йўлакай ҳаракатланаётган кишиларинг аксариятида тиббий ниқоб ҳам йўқ. Юзга тақилиши лозим бўлган тиббий ниқоб кўпчилик ҳолларда кишиларнинг билакларига тақилган ёки чўнтакларига тиқиб қўйилган.

Ҳозирги кунда қанчалик дори-дармонлар кўпаймасин, тиббий муассаса сифати, шифокорлар савияси, тиббий техника яхшиланмасин, агар инсоннинг ўзи ўз саломатлиги ҳақида қайғурмаса, кутилган натижага эришиб бўлмайди. Касаллик сонини ошиб бориши ҳар бир кишида хушёрликни талаб қилади. Зеро, тананинг соғлом бўлиши ва уни турли касалликлардан сақлаш ҳар бир инсоннинг бурчи ҳисобланади. Уни асраш эса ҳар биримизга омонат қилиб берилган. Карантин қоидаларининг кучайтирилиши албатта инсонларнинг манфаатларига хизмат қилади. Ўзимизни, яқинларимизни асрашимиз лозим.

Шифокор маслаҳатига амал қилган ўзи ва яқинларининг соғлигини кафолатлайди. Унутмайликки, ўз ҳаётимизни ўзимиз қадрлашимиз лозим.

“Адолат” СДП аҳолидан ўрнатилган тартиб қоидаларга тўлиқ ва қатъий амал қилинишини ҳар бир кишини ўз соғлига бефарқ бўлмаслигини, вакцина олиши ва доим ниқоб тақиб юришини сўраб қолади!

Omicron – инсоният тарихидаги энг юқумли вирус эканлигини унутмаслигимиз керак!

“Адолат” СДП

Матбуот хизмати