Оммавий ахборот воситалари – партиянинг яқин ҳамкори

“Матбуот ва оммавий ахборот воситалари куни” муносабати билан Ўзбекистон “Адолат” СДП Қорақалпоғистон Республикаси Кенгашида соҳа вакилларини тақдирлаш тадбири ўтказилди.

Ўзбекистон “Адолат” СДП Қорақалпоғистон Республикаси Кенгаши раиси Н.Қайпбергенов соҳа ходимларини касб байрамлари билан самимий муборакбод этиб, сўнгги йилларда юртимизда бўлаётган янгиланишлар билан халқчил ислоҳотлар мазмун-моҳиятини аҳоли кенг қатламига етказишдаги хизматларини эътироф этди.

Партия томонидан олиб борилаётган чора-тадбирларни жамоатчиликка етказишда ОАВнинг роли катта.

Ўзаро ҳамкорлик, депутатлар фаолияти, аёллар ва ёшлар қаноти ташаббуслари, электорат вакиллари эришаётган ютуқларда юксак аҳамият касб этади.

Тадбир давомида оммавий ахборот воситалари ходимларига партиянинг Қорақалпоғистон Республикаси Кенгаши томонидан фахрий ёрлиқ ва эсдалик совғалари топширилди.

Бахадыр ЖУЗБАЕВ,
Ўзбекистон “Адолат” СДП Қорақалпоғистон Республикаси Кенгаши матбуот котиби