ОМҚП депутати ҳудудлардаги муаммоларни ҳал қилмоқда

ОМҚП депутати Қодир Жўраев 27 июнь куни ўзи сайланган 31-Вобкент сайлов округида сайловчилар билан қатор учрашувлар ўтказди. Депутат «Шоҳнигор» МФЙ кексалар гуруҳ маслаҳат кенгаши раиси Чориқул Тешаев билан бирга маҳалладаги 15-38-мактабда бўлиб янги ўқув йилига тайёргарлик таъмирлаш ишлари билан танишди. Мактаб директори Ҳамза Жумаев мактабда қилинаётган ишлар ҳақида гапирар экан бир қатор муҳим муаммолар юзасида сўз юритди мактаб спорт залини спорт жиҳозлари билан таъминлаш ҳамда мактаб атрофида «Яшил макон» лойиҳасига мевали ва манзарали дарахтлар қурилган аммо суғориш учун ариқда сув йўқ шунга кичик артезиан қудуқ ўрнатиб берилишини сўради. Депутат Қ.Жўраев бу муаммоларни туман ҳокимлиги ва мутасадди идораларга депутат сўрови билан чиқиб ижобий ҳал қилишини айтди.

Шунингдек, депутати Қ Жўраев Вобкент тумани «Ширин» МФЙ раиси Мирзоҳид Ҳалимов ва маҳалла фаоллари билан учрашди. Учрашувда маҳалла фаоллари томонидан маҳалла олдида кутубхона ташкил этиш таклифи билдирилди халқ ноиби бу ташаббусни маъқуллаб амалий ёрдам беришини билдирди.

Куннинг иккинчи ярмида депутати Қ Жўраев Вобкент тумани халқ таълими бўлим мудири М Фармонов билан биргаликда Вобкент тумани 11-мактабда бўлиб янги ўқув йилига тайёргарлик ишлари ва муаммоларни ўрганди.

Мактаб директори С Шодиев Мактаб бинолари 1968-1975 йиллар қурилгани, 563 нафар ўқувчи ўқиётгани ҳамда спорт зали ва фаоллар зали йўқлиги, қурилиш учун мактаб ер майдони борлиги шунга амалий ёрдам сўради. Қонунчилик палатаси депутати Қ.Жўраев ушбу муаммоларни Халқ таълими бўлим мудири М.Фармонов ҳокимиятга мурожаат қилиб, лойиҳалаштиришга ижобий ва амалий ёрдам беришни таъкидлади.

Ўрганишлар якунида Қодир Жўраев Вобкент тумани «Бозор жойи» МФЙ даги Тош масжид тарихий обидасини таъмирлаш ишларни ўрганди. Таъмирлаш усталари билан фикр алмашиб тарихий обидаларимизни аслича кўриниши юртимизга келаётган сайёҳлар оқимини янада кўпайиши мамлакат туризмига катта ҳиссасини қўшишини айтиб ўтди.

Амин Ҳамидов
ОМҚП депутати ёрдамчиси