Ўн олти ғалаба-ўн олти минг қувонч!

 “Бу болалар биздан-да”!- дея кўксимизга уриб қўямиз юксак марраларни забт этаётган ёшларимизнинг эришаётган ютуқларидан фахрланиб. Фарғона вилояти 2-ИДУМ ўқитувчиларини ҳам, ўқувчилари қўлга киритаётган ютуқлардан ғурурланиб, меҳнатлари, саъи-ҳаракатлари зоя кетмаётганидан қувониб боши осмонга етаётган юртдошларимиз сафида дея,  ҳеч иккиланмай бемалол этироф этиб ўтишимиз мумкин. Президентимизнинг чет тилларни ўрганишни такомиллаштириш борасидаги  чақириқларига “лаббай” деб жавоб бераётган 2- ИДУМ  жамоаси қўлга киритаётган муваффақиятлар ҳавас қилса арзигулик. Мактабда халқаро ТЕСОЛ ( Teachers of English to Speakers of Other Languages –Бошқа тилда сўзловчилар учун инглиз тили ўқитувчилари халқаро уюшмаси) ўқув курсини муваффақиятли тамомлаб, сертификатларни қўлга киритган инглиз тили фани ўқитувчилари талайгина. Жумладан Муслимова X.Ш.- олий тоифали ўқитувчи, Аббасова З.X.- биринчи тоифали  ёш педагоглар Иркабаева Б.Б, Гафурова M.З. С1 даражадаги сертификатларига эга бўлган серғайрат ўқитувчиларнинг  самарали меҳнатлари маҳсули ўлароқ жорий йилнинг ўзида мактабнинг 16 нафар ўқувчилари ИЭЛЦ (инглиз тили бўйича халқаро тест)сертификатини қўлга киритдилар.

Валижонова Шаҳло 11- "D"синф, 7 балл, Ўринбоева Муаттар 11" Ж" синф, 6 балл, Садикова Далила 11- "D" синф, 6,5 балл, Худойбердиева Лазиза 11-"Ж"синф, 6 балл, Эгамбердиев Азим 11-Б синф, 7 балл, Ортиков Шоҳжахон 11- D синф, 6,5 балл, Олимжонова Ситора 11- D синф, 5,5 балл, Сайдуллаева Саидрасул 11- V синф, 7 балл, Муминова Мумтахана 7- Г синф, 6,5 балл, Бахтиёров Бунёд 11- V синф, 5,5 балл, Дадажонов Отабек 11- D синф, 5,5 балл, Шукуруллаева Азиза 11- V синф, 6,6 балл, Максудов Фирдавс 11- Б синф, 6,5 балл, Абдумуталибов Абдулазиз 11- D синф, 6,5 балл, Мухаммадова Фарангиз 11- Б синф, 6 балл, Маъмирова Дилёра 11- А синф, 7,5 балл.

Бир қарашда  шунчаки сонлар жамланмасидан иборат бўлиб кўринаётган мазкур рақамлар замирида улкан сабр-тоқат, матонат ва жуда катта меҳнат ётганини англаш қийин эмас. Ваҳоланки, ИЭЛЦ сертификатига эга бўлиш учун 5,5 баллни қўлга киритишнинг ўзиёқ инсондан қанчалик ирода ва куч талаб этилишини кўпчилигимиз яхши биламиз. Демак 2-ИДУМ ўқитувчилари қўлни-қўлга бериб, ўзларига яратилаётган кенг имконият ва шарт-шароитлардан унумли фойдаланган ҳолда ўқувчиларга мукаммал билим бериш йўлида белни маҳкам боғлаб ишламоқдалар. Зотан фақат ҳолва деган билан оғиз чучимайди. Чўққида байроқдорлик қилишни истаганлар энг аввало чўққини забт этишлари лозим. Излаган имкон топар-дея бежиз айтишмаганда. Излаганини топаётган Фарғона вилояти 2-ИДУМ устозларининг келгуси ишларида ҳам омад ва зафарлар тилаб қоламиз.

Меҳнатингиз, шиддатингиз каби қадрингиз ҳамиша баланд, мартабангиз улуғ бўлсин.

“Адолат” СДП Фарғона вилояти Кенгаши