Пайариқда партия фаоллари рағбатлантирилди

Пайариқ туман “Маҳалла” марказида  Ўзбекистон “Адолат” СДП Пайариқ туман Кенгашининг  йиғилиши бўлиб ўтди. Унда партия депутатлари,  Кенгаш аъзолари, Ёшлар қаноти фаоллари, ташкилот ва корхона  раҳбарлари  иштирок этишди.

Йиғилишда партиянинг туман Кенгаши раиси Тўлқин Абдуалимов бугунги кунда туман Кенгаши олдида турган вазифалар, партиянинг муассаса, ташкилот, маҳаллалар билан ҳамкорликдаги фаолияти ҳақида гапириб ўтди.  Халқ депутатлари туман Кенгашининг 14-“Янгиобод” сайлов округидан сайланган депутат Азамат Тавбоев бугунги кунда Президентимиз Ш.Мирзиёевнинг 1 октябрь – Ўқитувчи ва мураббийлар куни байрами муносабати билан сўзлаган маърузасидан келиб чиқадиган вазифалари, бу борада амалга оширилиши лозим бўлган ишлар борасида фикр юритди.

Шунингдек, Ёшлар ишлари агентлиги  туман бўлими бошлиғи Жамшид Ахуновнинг партиянинг ёшлар билан ишлашдаги вазифалари, ёш партия фаолларидан Сайдулла Рашидов Ёшлар қанотини фаоллаштириш, ишсиз ёшлар ва хотин-қизларни иш билан таъминлаш, ёш тадбиркорлар сонини кўпайтириш зарурлиги борасида ўз фикрларини билдиришди.

Тадбир  сўнгида партия фаоллари, халқ депутатлари туман Кенгашига Ўзбекистон  “Адолат” СДПдан сайланган депутатларга партиянинг вилоят Кенгашининг  ташаккурномаси топширилди. Бир гуруҳ партиянинг ёш, ўсиб келаётган фаолларига эсдалик совғалари берилди.

Ойбек ТЎРАҚУЛОВ,

Ўзбекистон “Адолат” СДП Самарқанд вилоят Кенгаши ижрочи котиби