Партия фидойиларига мукофот муборак!

Ҳар бир инсон қилаётган меҳнатига яраша рағбат олмоқни истайди. Шу жумладан жамиятимиз ҳаётида фаол иштирок этаётган халқ вакиллари - депутатлар ҳам.

“Адолат” социал-демократик партиясининг узоқ йиллик фидойиларидан бири депутат Ташпўлат Матибаев яқинда шу каби қилаётган меҳнатларига яраша муносиб тақдирланиб, ёшлар таълим-тарбиясидаги алоҳида хизматлари учун “Ёш авлодни ватанпарварлик руҳида тарбиялаш учун” медали билан тақдирланди.

Шунингдек, Халқ таълими тизимида анча йиллардан буён самарали меҳнат қилиб келаётган Халқ депутатлари Шайхонтохур туман Кенгаши депутати, 192-сонли умумтаълим мактаби директори Дилдора Исломова ҳам “Халқ таълими аълочиси” кўкрак нишони билан мукофотланди. Она Ватан учун чин дилдан қилинган меҳнат, астойдил ҳаракат ўз натижасини бериши, шубҳасиз.

Депутатларни “Адолат” СДП Тошкент шаҳар Кенгаши номидан муборакбод этамиз. Мамлакат тараққиёти йўлида олиб бораётган ишларида янада улкан зафарлар ёр бўлсин.

“Адолат” СДП Тошкент шаҳар Кенгаши матбуот хизмати