"Партия патронажи": Аъзолар сони ортмоқда

Фарғона шаҳридаги "Мадагаскар" нодавлат мактабгача таълим муассасасида байрам тадбири  бўлиб ўтди. Унда болалар ўзларининг куй-қўшиқлари, миллий ўйинлари билан ота-оналарини хурсанд қилишди.  Тадбир  ташкилотчиларидан бўлган партиянинг Фарғона шаҳар Кенгаши раиси Шаҳноза Аҳмедова барчани байрам билан қутлаб, НМТМнинг барча тарбиячиларига аъзолик билетларини топширди.

 Шунингдек, Фарғона  вилояти наркология диспансерида  "Тозалик йўлида бирлашайлик!" лойиҳаси доирасида бўлиб ўтган "Тозалик – соғлом ҳаёт мезони" тадбирида ҳам жамоанинг 5 нафар ходими партия сафига қабул қилинди.

"Партия патронажи" лойиҳаси доирасида  партиянинг  Қува туман Кенгаши  раиси Шоҳиста Мамажонова томонидан туман аҳолиси  ўртасида ва ташкилотларда олиб борилаётган тарғибот тадбирлари ўз самарасини бермоқда. Қувалик ёш тадбиркор Дилноза Мамажоновага аъзолик билети топширилди. Қувонарлиси, туманнинг 50-сонли умумтаълим мактаби ходимлари иштирокида ўтказилган тадбирда  22 нафар ўқитувчилар ҳам мақсад ва ғояларини ёқлаган ҳолда партия  сафига қўшилди.

 Тарғибот тадбирлари давомида "Райимбой  ўғли Мамадали ота" фермер хўжалиги раҳбари Муроджон Раҳимов ҳамда икки нафар ишчилари –  Хабибулло Назирқулов, Солижон Юнусов, ёш шижоатли шифокор Муҳаммадали Нўмонов партия мақсад ва ғояларини тарғиб этишда ҳамкорлик қиладиган бўлди.

  “Адолат” СДП Фарғона вилоят Кенгаши

Матбуот хизмати.