“Партия патронажи” лойиҳаси доирасида партияга янги аъзолар қабул қилинди

“Адолат” СДП Миробод туман Кенгаши Миробод туман  санитария-эпидемиология осойишталик ва жамоат соғлиги хизмати бўлимининг 38 нафар аъзоларини партия сафига олиб кириб, янги аъзоларни қабул қилди.

Маълумки, “Адолат” СДП электоратининг асосий қисмини шифокорлар ташкил этади. Уларнинг манфаатларини ҳимоя қилиб, ҳар жабҳада қўллаб-қувватлаш партия ўз олдига қўйган устувор мақсадларининг асосини эгаллайди. Зеро, СЭОМ ходимларининг партияга аъзолиги уларнинг сиёсий тафаккурини ўстирибгина қолмай, балки сиёсий жараёнларда фаол бўлишини ҳам таъминлайди.

Таъкидлаш керакки, “Адолат” СДП ғоялари мамлакатимизнинг ҳар бир фуқароси учун катта аҳамиятга эгадир. Шу боис ушбу лойиҳа сиёсий фаол бўлган фуқароларнинг жамият ҳаётидаги ролини кучайтиради.

Меҳринисо БОБОНАЗАРОВА,

“Адолат”СДП Тошкент шаҳар Кенгаши матбуот котиби