Партия раҳбари хизмат сафари давомида Урганч шаҳрида жойлашган IT парк фаолияти билан танишди

Партия раҳбари хизмат сафари давомида Урганч шаҳрида жойлашган IT парк фаолияти билан танишди

Муассаса ходимлари, партиянинг шаҳар ва туман Кенгаш раислари ҳамда фаоллари, IT соҳаси вакиллари иштирокида ўтган мазкур учрашувда IТ парк фойдаланувчилари учун замонавий ахборот технологиялари билан жиҳозланган хоналар, мавжуд қулайликлар, ёшларнинг билим ва кўникмаларини ошириш учун яратилган имкониятлар кўлами ўрганилди.

Сир эмаски, информацион технологияларининг имкониятларидан самарали фойдаланиш бугун барча соҳалар қаторида партия тизимида фаолият олиб бораётган ходимлар учун ҳам муҳим аҳамият касб этади. Шу боисдан партия раҳбари мазкур жараёнда замонавий ахборот технологияларининг ютуқлари партия фаолиятини такомиллаштириш, самарадорликни таъминлаш, унинг аҳоли ўртасида танилувчанлигини оширишда муҳим эканлигини таъкидлаб, бу борада ўзининг таклиф ва мулоҳазаларини билдириб ўтди.

Шунингдек, соҳа мутахассислари билан ўзаро фикр алмашилиб, галдаги вазифаларни самарали амалга оширишда ўзаро ҳамкорлик қилишга келишиб олинди.

Замира Абдуллаева,
"Адолат" СДП Хоразм вилоят Кенгаши 
Матбуот котиби