Партиямиз фаоли “Дўстлик” ордени билан мукофотланди

Кўп йиллар давомида партиямиз фаоли ҳамда яқин кунларгача ходими бўлиб ишлаб келган Д.Абибуллаев иш фаолияти давомида билимли, ғайрат-шижоатли, талабчан ва ташаббускор мутахассис сифатида ўзини намоён қила олди.

Ўтган давр мобайнида ва ҳозирги кунга қадар унинг муаллифлигида Ўзбекситон “Адолат” СДП фаолиятига бағишланган кўплаб мақолалар бундан ташқари Қорақалпоғистон Республикасини ижтимоий-иқтисодий ривожлантириш борасида амалга оширилаётган ислоҳотлар, қишлоқ хўжалиги ва бошқа соҳаларда қўлга киритилаётган ютуқлар, Давлат Дастури ижросини таъминлаш борасида амалга оширилаётган ишлар, аҳоли, айниқса ёшлар бандлигини таъминлаш, Оролбўйида ўтказилаётган тадбирлар юзасидан кўплаб мақолалари чоп этилмоқда.

Қорақалпоғистон ахборот агентлиги томонидан унинг муаллифлигида республика газета саҳифаларида чоп этилаётган,  веб-сайтларда берилаётган турли мавзудаги мақолалар, мутахассисларнинг фикрлари ва тавсиялари, маданият, спорт ва жаҳон хабарлари халқимизда алоҳида қизиқиш уйғотмоқда.

Партиямиз фаоли ўзининг билим  ва тажрибасини доимо ошириб боради, сиёсий жиҳатдан етук, янгиликка интилувчан. Жамоатчилик билан ишлашда, партиямиз фаолиятига бағишланган турли мавзудаги тадбирларда фаол иштирок этади. Ёшларга ҳамиша ўрнак кўрсатиб, уларга доимо амалий кўмак бериб келмоқда.

У фаолияти давомида Ўзбекистон Журналистлари ижодий уюшмаси томонидан ўтказилган «Йилнинг энг фаол журналисти-2005», Ўзбекистон Журналистлари ижодий уюшмаси, Ўзбекистон Республикаси Хотин-қизлар қўмитаси, ЮНИСЕФнинг Ўзбекистондаги ваколатхонаси томонидан ҳамкорликда ўтказилган «Оилавий таълим дастурининг матбуот соҳасидаги ҳудудий мукофоти» танловларининг ғолиби, Ўзбекистон Республикаси Матбуот ва ахборот агентлиги, Ўзбекистон касаба уюшмалари Федерацияси Қорақалпоғистон касаба уюшмалари ташкилотлари бирлашмаси Кенгашининг «Фахрий ёрлиғи» билан тақдирланди. “Қишлоқ ҳаёти” газетаси таҳририятининг, Қорақалпоғистон ахборот агентлиги жамоасининг “Олтин қалам” миллий мукофоти учун халқаро танловда совринли ўринларни қўлга киритишида журналист Д.Абибуллаевнинг ҳам муносиб ҳиссаси бор.

27 июнь — Матбуот ва оммавий ахборот воситалари ходимлари куни муносабати билан партиямиз фаоли Даўыт Абибуллаев Янги Ўзбекистонни яратиш йўлидаги ютуқларимизни кенг тарғиб қилишдаги муносиб хизматлари учун Ўзбекистон Республикаси Президенти Ш.Мирзиёевнинг Фармони билан “Дўстлик” ордени билан мукофатланди.

Партиямиз фаолини ушбу юксак мукофот билан барча партиядошларимиз номидан муборак этамиз ва келгуси ишларида эса катта зафарлар тилаймиз.

Мукофотланганлар ичида партиямиз аъзоларининг ҳам борлиги ва улар кўпчиликни ташкил этгани бизнинг фахримиз.

Бахадыр ЖУЗБАЕВ,

Ўзбекистон “Адолат” СДП

Қорақалпоғистон Республикаси Кенгаши Матбуот котиби