Партиянинг 26 йиллиги муносабати билан фаол аъзоларга эсдалик совғалари топширилди

Фарғона вилояти Бувайда тумани 13-сонли умумтаълим мактабида  туман Кенгаши раиси Ҳайрулло Турғунов ҳамда  халқ депутатлари  вилоят Кенгаши депутати Нодиржон  Жумабоев томонидан  партиянинг 26 йиллиги муносабати билан тарғибот тадбири ўтказилди.

Тадбирда давлатимиз раҳбарининг парламент ва халқимизга  йўллаган  Мурожаатномасининг мазмун-моҳияти, белгиланган  устувор  вазифалар  ҳамда   партиянинг сайловчилар,  халқимиз  ҳаётидаги  ўрни  ва  нуфузи  ҳақида   сўз юритилди.   Мактаб педагог ходимлари, партиянинг энг фаол аъзолари – Толибжон Дусалиев ва Назиржон Нормирзаевларга эсдалик совғалари топширилди.

Маълумки, 18 февраль партиямиз ташкил топган кун сифатида   мамлакатимизнинг барча ҳудудларида кенг миқёсда нишонланмоқда, – дейди туман Кенгаши раиси Ҳ.Турғунов. – Тарихан қисқа давр  ичида  партия ўз сафини  иқтидорли, ташаббускор  ёшлар ҳисобига кенгайтирди.  Ўз олдига қўйган мақсад ва ғоялари атрофида ҳамфикр, интилувчан шахсларни бирлаштира олди. Бугун ҳам партиядошларимизнинг сони кундан кунга ортиб бормоқда. Туман тиббиёт коллежида бўлиб ўтган тадбирда ҳам мазкур даргоҳда ўқувчиларга таълим бериб келаётган устозлар  – М.Тўхтасинов, Н.Жумаева, А.Ўсарова ва Л.Сиддиқовларга аъзолик гувоҳномаларини тантанали равишда топширдим.

Ўзбекистон “Адолат”СДП Фарғона вилоят Кенгаши матбуот хизмати