Партиянинг вилоят Кенгаши етакчиси, тажрибали онколог сайловда ғолиб бўлди

Аввал хабар берганимиздек, Халқ депутатлари Хоразм вилоят Кенгашига  Халқ депутатлари Хива шаҳар Кенгашидан бўшаб қолган д 7-сонли “Тозабоғ” сайлов округидан  бўшаб қолган депутатлик ўрнига  “Адолат” СДПдан  Тоҳир Палвановнинг  номзоди кўрсатилган эди.

   Сайлов натижаларига кўра, партиянинг вилоят Кенгаши раиси, Республика ихтисослаштирилган онкология ва радиология илмий- амалий тиббиёт маркази Хоразм филиали директори  Тоҳир Марксович Палванов сайловда ғолибликни қўлга киритди.

   Фидойи, адолатпарвар, ўз касбининг моҳир устаси бўлган раҳбар  билан фаолият олиб бориш, унинг  эришган ютуқлари билан  қувониш ҳар бир ходим учун фахр ҳисобланади.

    Партиямизнинг жонкуяр етакчиси, тажрибали онколог -  Тохир Палвановни ютуқлари билан партия ходимлари ҳамда хоразмлик  онкологлар  номидан қутлаймиз.

   Ютуқларингиз бардавом бўлаверсин, халқимиз саломатлиги, эл фаровонлиги йўлидаги хайрли ишларингизда доим камарбастамиз деймиз.

                                                                            Замира  АБДУЛЛАЕВА,      

    “Адолат” СДП Хоразм вилоят Кенгаши матбуот  котиби