Пленум онлайн: Сайлов – илғор демократик ғоялар ифодаси

Марказий сайлов комиссиясининг қарорига асосан Олий Мажлис Қонунчилик палатасига, вилоятлар, туманлар, шаҳарлар давлат ҳокимияти вакиллик органларига сайлов декабрь ойи учинчи ўн кунлигининг биринчи якшанбасида — 2019 йил 22 декабрда ўтказилиши белгиланиб, 20 сентябрдан мамлакатимизда сайлов кампанияси бошланганлиги эълон қилинди.

Тадбир аввалида сўз олган партия Сиёсий Кенгаши раиси Наримон Умаров таъкидлаганидек, бўлажак сайловлар мамлакатимизни ривожлантиришнинг бешта муҳим устувор йўналиши бўйича Ҳаракатлар стратегиясида ўз ифодасини топган илғор демократик ғояларнинг амалдаги аксидир.  

Ўтган сайловларда йўл қўйилган камчиликлар партиянинг барча ташкилотлари томонидан  чуқур таҳлил этилиб, бу йилги сайловларда уларни такрорламаслик чоралари олдиндан кўрилмоқда. Жорий йилда бўлиб ўтадиган сайловларда партиянинг барча даражадаги ташкилотларининг муносиб иштирокни таъминлаш бўйича тегишли тадбирлар олиб борилмоқда. Фаоллар, бошланғич партия ташкилотлари, умуман электорат партиядан сайловларда муносиб иштирокни талаб этмоқда.