Пойтахтлик номзод ишсизликни камайтирмоқчи

Халқ депутатлари Тошкент шаҳар Кенгаши депутатлигига 5-«Фозилтепа» сайлов округидан номзод Адҳам Элтоев сайловчилари билан учрашди.

Учрашув давомида дастлаб номзод тўғрисида маълумотлар берилди. Шундан сўнг Адҳам Элтоев сайловчиларни ўз сайловолди дастури билан таништирди.

Номзоднинг дастуридан ишсизликни камайтириш ва ижтимоий ҳимояни кучайтириш, кам таъминланган аҳоли қатламини қўллаб-қувватлаш, тадбиркорлик билан шуғулланишни рағбатлантириш, ҳудудда соғлом турмуш тарзини тарғиб қилиш, педагогларнинг мақомини янада кўтариш каби муҳим масалалар ўрин олган.

Номзоднинг дастури билан танишган сайловчилар ўзларини қизиқтирган саволларга жавоб олдилар ва ўзларининг фикр-мулоҳазаларини билдиришди. Номзод дастури сайловчилар томонидан қўллаб-қувватланди.

“Адолат” СДП Тошкент шаҳар Кенгаши