Саҳоват – беназир қадрият

Хайр ва саховат, айниқса муҳтож инсонларга ёрдам қўлини чўзиш инсондаги  энг гўзал фазилатлардан биридир. Қадимдан меҳр-оқибатли бўлган халқимизда бу олий қадрият  ҳисобланади. Инсониятнинг бошига оғир синовларни солган  пандемия даврида бу фазилат одамлар ўртасида янада мустаҳкамланиб бораётгани қувонарлидир.

Куни кеча  “Адолат” СДП Қуйи Чирчиқ тумани Кенгаши фаоллари  ҳамкор ташкилотлар ва ҳомийларни жалб қилган ҳолда партиянинг  “Саховат – беназир қадрият” лойиҳаси доирасида тумандаги “Бирлик” МФЙда жойлашган “Фартуна” мактабгача таълим ташкилотида бўлиб, у ерда  тарбияланаётган боқувчисини йўқотган ижтимоий ҳимояга муҳтож оила фарзандларига кийим-кечак, китоблар, ширинликлар, ўйинчоқлар тўпламидан иборат совғалар топширилди.

Қолаверса,  3 нафар эҳтиёжманд оила фарзандига ҳар ойлик боғча пули тўлаб бериладиган бўлди.

Шу куннинг ўзида янги сафдошларга партияга аъзолик гувоҳномалари топширилди. Бу эса МТТда  бошланғич партия ташкилоти ташкил этилишига хизмат қилди.

Зиёвиддин ТУРОБОВ,

Ўзбекистон “Адолат” СДП

Қуйи Чирчиқ тумани  Кенгаши раиси