Савобли юмушга бел боғлаб...

- Муборак Рамазон ойи – саховат байрами, – дейди Сўх туман Кенгаши депутати Субҳонали Нишонов. Ҳар бир инсон эзгуликка қўл уришни истайди.  Мен ҳам имкон қадар юртдошларимга қувонч улашиш ҳаракатидаман. Тумандаги "Ҳазрати Али", "Сариканда","Сарибозорча"  МФЙларида яшовчи 50 та  эҳтиёжманд оилаларга бир қопдан ун тарқатдик, нуронийларнинг дуосини олдик.

"Адолат" СДП Қўқон шаҳар Кенгаши фаоли А.Аҳмаджонов ҳам савобли юмушга бел боғлади.  Партиянинг "Саховат – беназир қадрият" лойиҳаси доирасида тадбиркор, партия аъзоси М.Холматов, Темирйўлчи" МФЙнинг нуронийлар ишлари бўйича раиси маслаҳатчиси Ғ.Назиров билан ҳамкорликда  мазкур маҳалла фуқаролар йиғинига қарашли Чорчинор, Саховат, Зарбулоқ, Боғинав, Садоқат кўчасида яшовчи кам таъминланган, боқувчисини йўқотган оилалар ҳолидан ҳабар олиб, озиқ-овқат маҳсулотларини етказиб берди.

“Адолат” СДП Фарғона вилоят Кенгаши

Матбуот хизмати.