Сизнинг меҳнатингиз, заҳматингиз эъзозда

Хотира ва қадр ўтмишни, аждодлар ёдини, юрт келажаги, инсон қадр-қимматини янада эъзоз этиб, улуғлашга хизмат қилувчи олижаноблик ҳисси. Бугунги кунда нафақат иккинчи жаҳон уруши қатнашчилари, фронт орти меҳнат фахрийлари балки  ватани учун жонини фидо қилган ўғлонлар хотирасини абадийлаштириш, ёшларнинг маънавий-ахлоқий жиҳатдан камол топишига ҳисса қўшаётган нуронийларимизни эъзозлашга ҳам алоҳида аҳамият қаратилмоқда.  

“Адолат»  СДП  Фарғона вилоят Кенгаши раиси в.в.Б А.Умаров  Халқ депутатлари Фарғона шаҳар Кенгаши  депутати  Б.Аҳмадалиев, вилоят Кенгашининг   “Ёш адолатчилар”  қаноти раиси д. Қурбонов билан биргаликда 9 май – Хотира ва қадрлаш куни муносабати билан  Марғилон  шаҳридаги  иккинчи жаҳон уруши қатнашчиси  Дадабой ота  Аҳмадалиевнинг хонадонида бўлишди.  Уларнинг ҳолидан хабар олиб эсдалик совғаларини тақдим этдилар.

Суҳбат давомида  Дадабой ота  уруш йилларида бошидан  кечирган  кунларни сўзлаб берди. Дўстлари, қадрдонлари билан кечган  лаҳзалар,  уруш майдонидаги  оғриқларни ёд этиб, кўзлари ёшланди.  Тинчликнинг буюк неъмат эканлиги,  ёшлар уни қадрига етиш кераклигини  таъкидлади.

Партия вакиллари  шунингдек, меҳнат фахрийси, узоқ йиллар  партиянинг  вилоят Кенгаши раиси  вазифасида меҳнат қилган  Наримон Шодиев хонадонида ҳам бўлишди. Унинг заҳматли меҳнат йўли эътироф этилиб, эзгу тилаклар билдирилди, партия совғалари тақдим этилди.

 “Адолат” СДП Фарғона вилоят Кенгаши

Матбуот хизмати.