Учинчи Ренессансга пойдеворни қандай қўйиш зарур?

Ўзбекистон “Адолат” СДП Тошкент шаҳар Кенгаши томонидан Тошкент давлат стомотология институтида “Ўзбекистонда янги уйғониш  - бошланиши” мавзусидаги давра суҳбати ўтказилди.

Унда Тошкент шаҳар партия Кенгаши депутатлари, Ўзбекистон “Адолат” СДПнинг Тошкент шаҳар ва Яшнобод туман Кенгашлари аъзолари ҳамда Тошкент давлат стоматология институти профессор-ўқитувчилари ва талабалари иштирок этди.

Тадбирдан кўзланган асосий мақсад давлатимиз раҳбарининг Ўзбекистон Республикаси Мустақиллигининг 29 йиллигига бағишланган тантанали маросимда сўзлаган нутқидан келиб чиқиб Янги Ўзбекистонни юксак тараққиёт босқичига кўтаришга янгича ва мустақил фикрлайдиган, ўз ватанини жонидан ортиқ севадиган, унинг ёруғ келажаги учун садоқат билан хизмат қиладиган, фидойи ёшларни тарбиялаш олдимизда турган муҳим вазифалар сирасига киргани ҳолда шу йўналишда тинимсиз саъй-ҳаракатларни олиб боришни тарғиб этишдан иборатдир.

Таъкидланганидек, мамлакатимизнинг келгуси жадал тараққиёти ёш истеъдод эгаларини аниқлаш, иқтидорли болаларни саралаш ва ўқитиш тизимини такомиллаштириш, ўсиб келаётган авлоднинг интеллектуал имкониятларини юзага чиқаришда айниқса, янги ташкил этилаётган Президент мактаблари, ижод мактабларининг тобора аҳамияти ортиб бормоқда. Бу масканларда таълим-тарбия олаётган фарзандларнинг билим ва интеллектуал салоҳиятлари  келгусидаги кўзланган ёруғ истиқболли манзилларга етишда пойдевор бўлиб хизмат қилиши шубҳасиздир.

Тадбирда сўзга чиққан депутатлар ҳамда ўқитувчи ва талабалар Ўзбекистоннинг янги Ренессанс даврига қадам қўяётганлиги, бу даврнинг юзага келиши учун яратилган шарт-шароитлар ва унда илм-фаннинг тутган алоҳида ўрни ҳақида гапириб ўтишди. Шунингдек, бу даврни янада жонлантириш, замонавийлик билан уйғунлаштириш борасида давра суҳбати иштирокчилари томонидан таклифлар ҳам янграб ўтди.

Тадбир сўнгида партиянинг ёшлар ва таълим муассасалари билан келгусида олиб борадиган ҳамкорликдаги ишлари ўзаро белгилаб  олинди.

Меҳринисо БОБОНАЗАРОВА,

Ўзбекистон “Адолат” СДП

Тошкент шаҳар Кенгаши

матбуот котиби