Улуғ мутафаккир, ғазал мулкининг султонига таъзим

Фарғона вилоятининг Бувайда тумани тиббиёт коллежида улуғ мутафаккир, ғазал мулкининг султони Алишер Навоий таваллудининг 580 йиллиги муносабати билан тадбир бўлиб ўтди.

Унда тиббиёт коллежи ўқувчилари адиб ҳаёти ва ижодига  бағишланган композицион чиқишларини  намойиш этишди.  Ғазаллари, рубоийлари ёд айтилди.

Таълим даргоҳимизда Алишер Навоий ижоди ва фаолиятига оид кўплаб тадбирлар ташкил этиб келинмоқда,  – дейди   коллеж директори, Халқ депутатлари вилоят Кенгаши депутати Нодиржон Жумабоев. – Адиб қаламига мансуб рубоий ва ғазаллар айтишуви,  беллашувлар, иншолар танловида ўқувчиларнинг барчаси фаол иштирок этдилар. Шу билан бирга, қизларимизнинг маҳоратларини ошириш мақсадида баҳорий салатлар тайёрлаш конкурси, мутахассислик буйича савол-жавоблар,  турли бахтсиз ҳолатларда беморга биринчи тиббий ёрдам кўрсатиш жараёнлари қизғин бахс-мунозараларга бой бўлди. Танловларда ғолибликни қўлга киритган иштирокчиларга Ўзбекистон “Адолат” СДП Фарғона вилоят Кенгаши  ҳамда коллеж маъмурияти томонидан қимматбаҳо совғалар топширилди.

Шунингдек, Ўзбекистон "Адолат" СДП Данғара туман Кенгаши раиси М.Маматқулова томонидан тумандаги 4-макабгача таълим муассасасида  ҳам "Навоийга таъзим"  мавзусида маънавий-маърифий тадбир ташкил этилди. Тадбир давомида болажонлар томонидан ёд айтилган рубоийлар ҳамда саҳна кўринишлари олқишларга сазовор бўлди. Болажонлар эсдалик совғалари билан тақдирландилар.

Ўзбекистон “Адолат” СДП

Фарғона вилоят Кенгаши

матбуот хизмати