Умидвор кўнгилларга малҳам

“Адолат” СДП Олмалиқ шаҳар Кенгаши ташаббуси билан Олмалиқ шаҳридаги  қон қуйиш марказида “Бор меҳримиз сенга, болажон” шиори остида беғараз донорлик акцияси ўтказилди.

Акция Олмалиқ кон-металлургия комбинати,  Олмалиқ шаҳар фавқулодда вазиятлар бўлими масъул ходимлари, ҳарбий хизматчилар, партия фаоллари, депутатлар ва кўнгиллиларни бир мақсад йўлида бирлаштирди.

Мазкур анъанага айланган хайрия акцияси тиббий-ижтимоий кўмакка муҳтож болаларни қўллаб-қувватлаш, фуқароларни кўнгилли равишда қон топширишга чақириш орқали бемор болаларнинг ҳаётини сақлаб қолиш, жамиятда инсонпарварлик ва меҳр-оқибат ғояларини тарғиб қилишга қаратилганлиги билан ижтимоий аҳамиятга эга жараёндир.

-Беғараз қон топшириш, бирон бир инсон ҳаётини сақлаб қолиш савоб ишларнинг олий ифодасидир, – дейди партиянинг Олмалиқ шаҳар Кенгаши раиси  Меҳрибон Раҳматова. – Бугунги ҳаракатимиз оғир бемор болалар ва уларнинг ҳаётидан умидвор кўнгилларга малҳам бўлишига ишонамиз.

Партиямиз ташаббуси билан мазкур хайрия тадбири амалга оширилаётгани ҳаёти қил устида турган минглаб беморларнинг шифо топишига  хизмат қилиши билан жуда катта аҳамият касб этмоқда.

Ўзбекистон “Адолат” СДП

Олмалиқ шаҳар Кенгаши