Воҳамизнинг бир гуруҳ журналист ва олима аёллари партия сафига қабул қилинди

Аввал хабар берганимиздек, «Адолат» СДП Хоразм вилоят Кенгаши ташаббуси билан «Эҳтиром» лойиҳаси доирасида мамлакатимиз тараққиётига муносиб ҳисса қўшиб келаётган партия аъзолари ҳамда хайрихоҳларининг ҳаёти ва фаолиятини оммавий ахборот воситалари орқали кенг оммага намуна қилиб кўрсатиш масаласи йўлга қўйилган.

Шу муносабат билан Хоразм телерадиокомпанияси ҳамда Урганч давлат университетида ташкил этилган «Эҳтиром» лойиҳаси доирасида ўтказилган тадбир ҳам ана шу мақсадларни ўз ичига олди.

Унда Хоразм телерадиокомпанияси журналисти, партия фаоли Гулсанам Маманова ҳамда Урганч давлат университети Коррупцияга қарши курашиш «Комплаенс-назорат» тизимини бошқариш бўлим бошлиғи, партия фаоли Ҳосият Шоҳоваларнинг намунали фаолияти эътироф этилиб, уларнинг ибратли умр йўлларига назар ташланди.

Узоқ йиллар мамлакатимизда олиб борилаётган ислоҳотлар ҳамда партиянинг дастурий-ғояларини тезкор ва холисона кенг жамоатчиликка етказиб беришдаги фаоллиги учун Гулсанам Маманова шунингдек, коррупцияга қарши курашишда партия билан ҳамжиҳатликда кенг кўламли ишларни олиб боришдаги ташаббускорлиги учун бир гуруҳ иштирокчиларга партиянинг аъзолик билети, ташаккурномаси ва эсдалик совғалари тантанали топширилди.

Воҳамизда лойиҳа доирасидаги бу каби тадбирлар давом этмоқда.

Замира АБДУЛЛАЕВА,

«Адолат» СДП

Хоразм вилоят Кенгаши матбуот котиби