Янгилик: Ғолиб олимпидачилар ичида ёш адолатчилар ҳам бор

Хабарингиз бор, 23 июлдан 8 августгача Токио шаҳрида ўтказилган ёзги олимпиада ўйинларида Ватанимиз спортчилари муносиб иштирок этиб бор маҳоратларини намойиш этишди ва 3 та олтин, 2 та бронза медалини қўлга киритишди. Улуғбек Рашитов, Акбар Жўраев, Баходир Жалоловлар олтин медалларга эга чиққан бўлса, Давлат Бобонов, Бекзод Абдурахмоновлар бронза  медал соҳиби бўлишди.

Куни кеча ушбу олимпидачиларимизни Тошкент халқаро аэропортида кутиб олиш маросими бўлди. Унда партиямиз вакиллари, хусусан, “Адолат” СДП Тошкент шаҳар ҳамда Шайхонтохур туман кенгаши аъзолари ҳам қатнашиб, спортчиларни эришилган ғалаба билан муборакбод этди. Айниқса, улар ичида “Ёш адолатчилар” қаноти сафида бўлган олтин медал сохиби Улуғбек Рашитов ҳам борлиги қувонарли, фахрланарли ҳолдир.

Ғалаба муборак бўлсин, олимпиада чемпионлари!!!

“Адолат” СДП Тошкент шаҳар Кенгаши матбуот хизмати