ЯШНАЁТГАН ЯШНАОБОД

Мамлакатимизда олиб борилаётган бунёдкорлик ишлари замирида инсон қадрини улуғлашдек эзгу мақсадлар мужассам.

Айниқса, чекка-чекка ҳудудлардаги маҳаллаларнинг обод масканларга айланаётганлиги, табиий газ, электр энергияси, ичимлик суви таъминоти яхшиланиб, йўллар таъмирланаётганлиги ҳудудларнинг янги қиёфа касб этишига ҳамда аҳоли турмуш фаровонлигининг юксалишига сабаб бўлмоқда.

Келинг, сўзимизни вилоятнинг Наманган туманидаги Яшнаобод маҳалласида «Обод хонадон – обод кўча – обод маҳалла» дастури доирасида амалга оширилилган ишлар мисолида давом эттирайлик.

Мазкур маҳалладаги 7 та кўчада лойиҳа асосида жами 9  км. масофадаги ички йўлларни асфальтлаш, 2 км. узунликдаги пиёдалар йўлагини ишга тушириш, электр таъминотини яхшилаш учун 78 та янги бетон таянч устуни ўрнатиш,  5 км. узунликда замонавий СИП кабель тармоғи тортиш ва бошқа ободонлаштириш ишлари амалга оширилди.

Шунингдек, миграциядан қайтганлар ва уларнинг оила аъзолари билан суҳбатлашилиб, муаммолари ўрганилди. 5 нафар уй бекасига субсидия асосида тикув машиналари берилди.

Энг муҳими, маҳалла еттилиги учун янги бино қурилиб фойдаланишга топширилди. Бу эса маҳалла идораси вакилларининг аҳоли билан тизимли ишлашига, бу ўз навбатида ҳудуд аҳолиси ҳаётида маҳалла ролининг ошишига замин яратади.

«Адолат» СДП

Наманган вилоят кенгаши

Матбуот хизмати