Ёш адолатчимиз “Мард ўғлон” Давлат мукофоти билан тақдирланди

Ўзбекистон “Адолат” социал-демократик партияси иқтидорли ёшларни қўллаб-қувватлаш мақсадида бир қатор устувор лойиҳалар, кўрик-танловлар, форум, ўқув семинар ва давра суҳбатларини амалга ошириб келаётгани  ёшларни истеъдодларини юзага чиқаришда муҳим аҳамият касб этмоқда. Жумладан, “Фарзандлари соғлом юрт-қудратли бўлур”, “Ватан келажаги-ёшлар қўлида”, “Адолат билимдони”, “Конституция билимдони” ва ҳокозолар. Айниқса, иқтидорли ёшларни излаб топиб, уларнинг ўзига бўлган ишончини ошириш, жамиятда ўзи истаган муносиб ўринни эгалашларида партия томонидан  олиб борилаётган ишлар таҳсинга сазовордир.

“Истедод” клубининг фаол  аъзоси, “Адолат белбоғи” совриндори, бир қатор шеърлари партиянинг Хоразм вилоят Кенгаши томонидан чоп этилган “Истеъдод гулшани” китобидан салмоқли ўринни эгаллаган, 2019 йилда Сиёсий Кенгаш томонидан “Дўрмон” ижодкорлар уйида бўлиб ўтган “Ёшлар форуми” фаол иштирокчиси, бир нечта китоблар муаллифи Раҳматжон Бобожонов “Мард ўғлон” Давлат мукофоти билан тақдирлангани тўғрисидаги  қувончли  хабар барча партиядошлар қалбида фаҳр-ифтиҳор туйғуларини намоён этди.

Ёш адолатчимизни она Ватанимизнинг мард ўғлони бўлгани билан табриклаймиз. Юксак парвозлар тилаймиз.

                                                                                                         Замира АБДУЛЛАЕВА,

                                                                                                      Ўзбекистон “Адолат” СДП

  Хоразм вилоят Кенгаши матбуот котиби