Ёшлардаги истеъдодларни юзага чиқариш йўлида

“Ёш адолатчилар” қаноти аввало, ёшлар ўртасида китобхонликни тарғиб этиш, уларнинг билим ва амалий кўникмаларини юксалтириш, партия сафларига илғор фикрловчи келажак ворисларини жалб этишга алоҳида аҳамият қаратиб келмоқда. Фарғона вилоятининг Фарғона тумани фаол ёшлари ўртасида партиянинг туман Кенгаши ташаббуси билан ўтказилган “Лидер ёшларни шакллантиришда Истеъдод клубининг ўрни” мавзусидаги давра суҳбатида мазкур жиҳатларга тўҳталиб ўтилди.   Ёшларга яратиб берилаётган шароитлар, таълим тизимидаги ўзгаришлар ва партия томонидан илгари сурилаётган таклиф ва ташаббуслар, “Истеъдод” клуби ҳақида атрофлича маълумот берилди. Тумандаги 38-сонли умумий ўрта таълим мактабида ҳам мавзу доирасида “Ёш адолатчилар” қаноти аъзолари, ёш ўқитувчилар ҳамда фаол ўқувчилар иштирокида тадбир ташкил этилди.

Шунингдек, Қувасой шаҳридаги  касб-ҳунар мактабида бўлиб ўтган  “Ватан келажаги ёшлар қўлида!” лойиҳаси доирасида “Фаол депутат – ёшлар даврасида” учрашуви  иштирокчиларда катта қизиқиш уйғотди.

Учрашувда Халқ депутатлари Қувасой шаҳар Кенгашидаги Ўзбекистон "Адолат" СДП депутатлик гуруҳининг ёш ва фаол депутатлари – М.Меҳмонов, А.Назиров ҳамда М.Илиевлар иштирок этди. Ёшлар томонидан фаолиятига доир берилган саволларга жавоб бердилар.

Тадбир давомида касб-ҳунар мактабининг ижодий тўгараги аъзолари репертуарларидаги энг сара саҳна кўринишлари намойиш этишди.

 Ўзбекистон “Адолат” СДП Фарғона вилоят Кенгаши матбуот хизмати