Ёшларимиз ижодидан

Куни кеча Фавқулодда вазиятлар вазирлиги Академиясида «Адолат» СДП Сиёсий Кенгаши  билан ҳамкорликда «Коррупция-келажагимиз кушандаси» мавзусида ўтказилган давра суҳбати ҳамда партия ташаббуси билан нашр этилган «Коррупция – ёшлар нигоҳида» китобининг тақдимоти бўлиб ўтди. Тадбирда «Адолат» социал-демократик партияси Сиёсий Кенгаши аъзолари, Ўзбекистон Республикаси Ҳарбий суди, Ўзбекистон Республикаси Коррупцияга қарши кураш агентлиги, Ўзбекистон Республикаси Ҳарбий прокуратураси, Тошкент Ҳарбий суди, Ўзбекистон «Адолат» СДП Сиёсий Кенгаши Марказий аппарати масъул ходимлари, Академиянинг профессор-ўқитувчилари, ҳарбий хизматчилар, курсантлар ҳамда ОАВ вакиллари иштирок этишди.

Тадбир давомида «Адолат» социиал-демократик партияси ташаббуси билан нашр этилган «Коррупция – ёшлар нигоҳида» китобининг тақдимоти  даврага ўзгача муҳит олиб кирди. Шунингдек, Академиянинг
5-босқич курсанти Улуғбек Хусанов ижод маҳсулидан бўлган “Коррупцияга қарши бирга курашайлик!” номли шеърини ўқигани барча иштирокчиларда илиқ таассуротлар қолдирди.

Бугун тадбир иштирокчилари олқишига сазовор бўлган иқтидорли ёш ижодкор Улуғбек Хусанов қаламига мансуб, барчани хушёрликка, огоҳликка ва бирдамликка чорловчи “Коррупцияга қарши бирга курашайлик!” номли шеърини эътиборингизга ҳавола этамиз.

Серқирра, интилувчан, шижоатли ёш ижодкоримизнинг келгусидаги ўқиш ва ишларига омад ва зафарлар тилаб қоламиз.

Қаламингиз ҳамиша ўткир, ҳалоллик, одамийлик ва меҳр ва муҳаббатни тараннум этувчи ижод йўлингиз янада сермаҳсул бўлсин деймиз!

              Коррупцияга қарши бирга курашайлик!

 Эзгуликка етаклайди ҳалол меҳнат,

   Қут-барака аримайди тотган ризқда.

       Ҳалол меҳнат ортидадир билгин роҳат,

Текин таом бўлар доимо тузоқда.

     Тамагирлик қилмай ҳалол ишла доим,

    Яхши иллат эмас билгин порахўрлик.

 Ҳалол яша, одамларга бўл мулойим,

         Сахий бўлгин, ночорларга қил ғамхўрлик.

           Порахўрлик қилма бир кун кетар бошинг,

Татимайди чойхонада еган ошинг.

       Коррупция деб сўнмасин бахт қуёшинг,

         Кеч бўлганда фойда бермас кўзда ёшинг.

        Шиддат қилинг олмасинда ҳеч ким пора,

  Тамагирга қўлайверсак қаттиқ чора.

Коррупция унут бўлар бора-бора,

    Ҳеч бир инсон бўлмас эди ҳеч овора.

            Пул деб элда шармандалар бўлиб қолманг,

      Тамагиру, порахўр деб ном ҳам олманг.

    Оғримаган бошингизга ғалва солманг,

       Коррупцияга қарши бирга курашайлик.

Улуғбек ХУСАНОВ,

ФВВ Академияси 5-босқич курсанти