Ёшларнинг холис ва ҳалол кадрлар бўлиб шаклланишини кўзлаган дастур

Давлатимиз томонидан “Ёшларни ҳар томонлама қўллаб-қувватлаш ва уларнинг ижтимоий фаоллигини янада оширишга оид қўшимча чора-тадбирлар тўғрисида"ги фармон билан танишар эканман, юртимизда ёшларга бўлган эътибор ҳақиқатдан ҳам давр талабига мос бўлаётганлигига яна бир бор амин бўлдим. Менга маъқул бўлган энг асосий жиҳати – Фармонда ёшларни илмга,  таълимга бўлган интилишлари назарда тутилган.

Жорий йилнинг август ойида Республикамиз миқиёсида "Темир дафтар"да турувчи ҳар бир 18 ёшга тўлмаган фарзандлари учун 500 минг сўмдан маблағ ажратилди. Бу мактабда ўқийдиган ўқувчиларга катта ёрдам бўлади, улар ўқув қуроллари, кийим-кечак харид қилишда  имконият  ҳисобланади. Қолаверса,  "Темир дафтар"да турувчи оилаларнинг фарзандлари олий таълимга шартнома асосида ўқишга кирадиган бўлса, давлат томонидан тўланадиган биринчи босқичдаги сумма, яъни бюджетдан тўлаб бериш ҳам оилалар учун жуда катта имкониятдир.

Давлатимизнинг олдига қўйган катта мақсадларидан бири мамлакатимиз ёшларини униб-ўсиб, оила ва жамиятда ўзининг муносиб ўрнини топишга имконият яратишдир. Бу эса ўз навбатида ҳар бир ота-она учун ҳам қаратилган, яратилган ва очилган имконият эшикларидир.

Ёшларимиз  олийгоҳ талабасидек бахтга мушарраф бўлсаю, оиласидаги моддий қийинчиликлар сабаб бўлиб,  ўқишни ташлайдиган ҳолатга келиб қолса, бу бизнинг энг катта фожиамиз ҳисобланади. Давлатимиз раҳбари Фармонда шу томонига ҳам катта эътибор қаратганлар. Шу боис, талабаларга имтиёзли узоқ йиллик таълим кредитларининг жорий этилиши ҳам катта имконият, деб ўйлайман.

Фармонда илгари сурилган  халқчил ва илғор  ғоялар  чин дилдан амалга оширилса,  бу албатта  Ватанимиз тақдири учун бефарқ бўлмайдиган, юрт келажаги билан ёниб яшайдиган  ёшларни камолотга етказиш учун замин яратади. Холис ва ҳалол,  яхши  кадрлар етишиб чиқади.

                                                                                 Саодат МАШАРИПОВА,

партия фаоли