Ёт маданият - тараққиёт кушандаси

Пойтахтимизнинг Яшнобод туманида жойлашган 244 сонли умумтаълим мактабида «Ёт маданият – тараққиёт кушандаси» номли тадбир бўлиб ўтди. Мактабнинг 9-синф ўқувчилари ўртасида ўтказилган тадбир «Адолат» СДП Яшнобод туман Кенгаши томонидан ташкил этилди. Тадбирда партия фаоллари, фаол ёшлар, мактаб ўқитувчи ва ўқувчилари иштирок этди.

Маълумки, бугун дунёда «оммавий маданият» ўргимчак тўридек кенг қулоч ёйди. Дунё жамоатчилиги томонидан бунга қарши ишлар олиб борилаётган бўлса-да, самараси сезилмаяпди. Яъни, уни янада кучайтирувчи сабаблар жамиятимизда шу қадар томир отдики, кесиб бўлмаяпти. Ягона чора мафкуравий иммунитетни янада кучайтиришдан бир он бўлса-да тўхтамаслик зарур. Мазкур тадбир ҳам айнан шу мақсадда ташкил этилиб, ўқувчиларга бу борада кенг тушунчалар бериш, турли викторина саволларига жавоблар олиш орқали ёшлар онгини турли ёт ғоялардан ҳимоялаш назарда тутилди.

«Сен келажакда Ўзбекистонни қандай тасаввур қиласан?», «Менинг овозим», «Ватаним учун нима қилмоқчиман?», «Менинг орзуим» мавзулари асосидаги савол-жавоблар қизиқарли муҳокамаларга бой бўлди.

Тадбир сўнгида иштирокчи ўқувчиларга Яшнобод туман партия ташкилотининг эсдалик совғалари топширилди.

         Меҳринисо БОБОНАЗАРОВА,

«Адолат» СДП Тошкент шаҳар Кенгаши матбуот котиби