Yangi tahrirdagi Oʻzbekiston Respublikasi Konstitutsiyasi mazmun-mohiyatini keng jamoatchilikka yetkazish va tushuntirish boʻyicha vazifalar belgilab olindi

Oʻzbekiston “Adolat” SDP Qoraqalpogʻiston Respublikasi Kengashi tomonidan “Yangi tahrirdagi Oʻzbekiston Respublikasi Konstitutsiyasi mazmun-mohiyatini keng jamoatchilikka yetkazish va tushuntirish boʻyicha” zoom dasturi orqali yigʻilish oʻtkazildi.

Unda partiya Qoraqalpogʻiston Respublikasi Kengashi, tuman (shahar) Kengashi raislari, mahalliy Kengash deputatlari ishtirok etdi.

“Adolat” SDP Qoraqalpogʻiston Respublikasi Kengashi raisi N.Qaypbergenov yigʻilishni ochib berdi va Yangi tahrirdagi Oʻzbekiston Respublikasi Konstitutsiyasi mazmun-mohiyatini partiya faollariga, keng jamoatchilikka yetkazish va tushuntirish boʻyicha masʼullarga tegishli vazifalar berdi.

Soʻngra “Adolat” SDP Qoraqalpogʻiston Respublikasi Kengashi raisi oʻrinbosari R.Otarbaev oʻz nutqida Yangi tahrirdagi Konstitutsiya yoshlarning huquqiy va siyosiy madaniyatini mustahkamlashga, faol fuqaroviy pozitsiyasini oshirishga qaratilganligini taʼkidlab oʻtdi.

Yigʻilish soʻngida ishtirokchilar mavzu boʻyicha savollariga javoblar olishdi.

 “Adolat” SDP

Qoraqalpog‘iston Respublikasi Kengashi Matbuot xizmati