10 bemor – 10 oila quvonchi

Aholi salomatligini mustahkamlash doimo “adolatchilar” eʼtiborida. Bu borada “Adolat” SDP Andijon viloyat kengashi safidagi Andijon davlat tibbiyot instituti professor-oʻqituvchilari tomonidan amalga oshirilayotgan ishlar quvonarli.

Bemor hamma vaqt ham shifokor huzuriga boravermaydi. Kasallikni erta aniqlash va oʻz vaqtida davolash esa har jihatdan foydali. Ayni shu maqsadda partiyadoshlarimiz hududlarda boʻlib aholini chuqurlashtirilgan tibbiy koʻrikdan oʻtkazmoqda. Marhamat tumanidagi 31-oilaviy poliklinikada tashkil etilgan ana shunday tadbir birinchi navbatda fuqarolarning tibbiy madaniyatini yuksaltirishga qaratildi.

 Kasalliklarni oldini olish va sogʻlom turmush tarzi yuzasidan tushunchalar berildi.

Tibbiy koʻrik natijasida 100 nafardan ortiq bemor sogʻlomlashtirishga yoʻnaltirildi. 10 nafar bemor shu kunning oʻzida salomatligini tiklashligi uchun shifoxonalarga joylashtirildi. Bundan ularning oila aʼzolari ham xursand.

“Adolat” SDP Andijon viloyat kengashi

Matbuot xizmati.