“Аdolat” 28 yoshda: Partiya faollar taqdirlandi

28 yillik faoliyati davomida “Аdolat” SDP aholi manfaatlariga xizmat qilish, ularning siyosiy va huquqiy bilimlarini oshirishdek ustuvor vazifalarni amalga oshirib kelmoqda. Yoshlar, ayollar, tibbiyot va taʼlim sohasi vakillari va koʼplab partiyaga hamfikr insonlar orasida targʼibot tadbirlarini oʼtkazib, yurtimizning ravnaqi uchun olib borilayotgan islohotlarda oʼz fikri va tashabbusi, takliflari bilan faol qatnashmoqda.

 Kuni kecha mazkur sana munosabati bilan partiya faollari, aʼzolari, deputatlari ishtirokida maʼnaviy-maʼrifiy tadbirlar oʼtkazildi. Jumladan, Xalq deputatlari Soʼx tuman Kengashi deputati Аmirali Safarov tashabbusi bilan pedagogika kollejida “Inson manfaatlari – oliy qadriyat” shiori ostida tadbir tashkil etildi. Unda partiya tuman Kengashi raisi S.Domulloev barchani qutlugʼ sana bilan muborakbod etib, mazkur kollejda tuzilgan boshlangʼich partiya tashkiloti aʼzolari va faollariga faxriy yorliq va esdalik sovgʼalarini taqdim etdi. Partiya safida boʼlish istagini bildirganlarga aʼzolik bileti topshirildi.

 Shuningdek, Xalq deputatlari tuman Kengashi deputati Subxonali Nishonov tomonidan 25 ta ijtimoiy taʼminotga muhtoj xonadonlarga partiyaning 28 yilligi munosabati bilan oziq-ovqat mahsuloti tarqatildi.

 “Аdolat” SDP Fargʼona viloyat Kengashi

Matbuot xizmati.