“Adolat” qabulxonasida yana bir muammo hal etildi

Xalq deputatlari Soʻx tuman Kengashi deputati Amirali Safarovning saylovchilar bilan uchrashuvida fuqarolar tomonidan Obida koʻchasiga oʻrnatilgan transformatorni tezroq ishga tushirish va beton tayanchlarni tartibga keltirish haqidagi murojaat qilingan edi. Deputat tomonidan mazkur murojaatga asosan Soʻx tuman elektr taʼminoti korxonasi rahbari nomiga joriy yilning 15- sentyabr kuni “Deputatlik soʻrovi” chiqarilgan edi.

Bugun ushbu soʻrovga asosan, tuman ETK xodimlari tomonidan yuqoridagi muammoni bartaraf etish ishlari boshlab yuborildi. Aholi yana bir muammo adolatchilar tomonidan ijobiy hal etilganini minnatdorchilik bilan maʼlum qilishdi.

           "Adolat" SDP Fargʻona viloyat kengashi Matbuot xizmati.