“Adolat” safiga birlashayotgan sportchilar

Biz sportchilar adolatni tanlaymiz, — deydi quvalik sport ustasi, Ashixara Karate sport yoʻnalishining mahoratli ustozi Ayubjon Toʻlqinov. Bugungi kunda Quva tumanida yuzlab yoshlarning jismonan va ruhan komil inson boʻlib kamol topishlari uchun mahorat darslarini olib boryapman. Shukrki, shogirdlarimning Osiyo va jahon arenalarida oʻz oʻrnini topishga boʻlgan intilishlari yil sayin ortib boryapti. Shu kunlarda Rossiyada boʻlib oʻtadigan jahon miqyosidagi musobaqalarga puxta tayyorgarliklarni olib boryapmiz. Oʻzimizni nafaqat sportda balki, siyosat olamida ham bilimlarimizni oshirib borish istagidamiz. Shuning uchun ham biz Adolat SDP Quva tuman Kengashi bilan doimo aloqada turli musobaqalarni tashkil etib kelyapmiz. Partiya bizni xalqqa tanilishimizda oʻzining munosib hissasini qoʻshib kelyapti. Bizga havas qilgan sportchilar ham partiyani atrofiga birlashayotganidan xursandman.

Bu iqrorlarni tinglab boʻlmay, Margʻilon shahridagi “Barkamol avlod” bolalar maktabi oʻqituvchisi Elmurod Rizqiev ham “Adolat” SDP Fargʻona viloyat Kengashiga kirib kelib, istagini bildirdi. Oʻnlab hamkasblari istaklari mujassam yana bir mahoratli sportchi bizni safimizga birlashdi. Tabriklaymiz. Adolat har bir inson uchun shiori bizni yagona maqsad sari birlashtirayotganidan mamnunmiz.

“Adolat” SDP

Farg’ona viloyat kengashi Matbuot xizmati.