Adolatchilarning kelajak uchun foydali suhbatlari

 Farg'ona davlat universitetining zamonaviy talabalar turar joyida Chet tillari fakukteti talabalari uchun "Qizlarni oilaviy hayotga tayyorlash va kasb-hunarga yo'naltirish"  mavzusida davra suhbati tashkil etildi.

Ushbu fakultet tyutori Gulcheha Qodirova tashabbusi bilan tashkil etilgan tadbirga "Adolat" SDP viloyat Kengashi raisi o'rinbosari, shahar Kengashi deputati Bunyod Ahmadaliyev hamda "Ibratli bekam"  o'quv markazining tajribali o'qituvchilari  ishtirok etdi.

So'zga chiqqanlar tomonidan milliy qadriyatlar va umuminsoniy tamoyillarni anglash va o'rganish, kasb-hunarlarni egallash hamda ro'zg'or sir-asrorlarini mukammal bilishlari lozimligini alohida ta'kidlab o'tildi.

Maroqli suhbat davomida nalabalar o'zlarining qiziqtirgan savollariga atroflicha javob oldilar.

 Keyingi uchrashuvda malakali mutaxassislar tomonidan pazandachilik, chevarchilik va modellashtirish, oilaviy hamshiralik, kosmetologiya, oila psixologiyasi va boshqa yo'nalishlar bo'yicha amaliy jarayonlarga asoslantirilgan mashg'ulotlar olib borilishi haqida kelishib olindi.

"Adolat" SDP Farg'ona viloyat Kengashi matbuot xizmati