“Adolatli qaynonalar” safimizda

Yurtimizda koʻklamning ilk ayyomi, goʻzallik tantanasi —Xalqaro xotin-qizlar kuni nafasi. Fasli navbahorning bu bayrami qalbimizdagi quvonchu xursandchiliklarni yanada joʻsh urdiradi. Joylarda xotin-qizlarni sharaflashga qaratilgan tadbirlar boshlangani bejiz emas.

“Adolat” SDP Jalaquduq tuman kengashi faollari bu borada ibratli qadam tashladi. Mahalliy kengash deputatlari bilan hamkorlikda mahallalarda boʻlgan safdoshlarimiz “Adolatli qaynonalar”ni aniqladilar. Ularni jamiyat rivoji, oilani mustahkamlash va farzand tarbiyasi yoʻlidagi mehnatlari eʼtirof etildi. Eng ibratli qaynonalar tuman partiya kengashi tomonidan esdalik sovgʻalari bilan taqdirlandi.

Barchaga oʻrnak boʻlayotgan qaynonalardan biri Namuna MFYda yashovchi 4 nafar kelinning qaynonasi Xolida Ismoilova. Eʼtibordan quvongan onaxon oila aʼzolari bilan “Adolat” SDP safiga qoʻshilishga qaror qildi.

Toʻydixon Aliboyeva, xalq deputatlari Jalaquduq tuman kengashi deputati:

-Onalarimizni, ayollarimizni qancha eʼzozlasak, hurmat koʻrsatsak oz. Jamiyatimiz rivoji ularning qoʻlida. Oilada ahillik va tinchlik boʻlsa yurtimiz ham tinch boʻladi. Shu sabab bayram arafasida biz ularni yoʻqlash tashabbusi bilan chiqdik. Bizning tashabbusimizni MFY faollari ham qoʻllab-quvvatladi.

Barnoxon Bozorova,

“Adolat” SDP Jalaquduq tuman kengashi raisi.